Paul Ramses í Kastljósi: Sannfærður um að hann verði drepinn í Kenya

Kastljós ræddi í gærkvöldi við Paul Ramses, sem var vísað úr landi í síðustu viku eftir að Útlendingastofnun hafnaði því að beiðni hans um að hæli sem flóttamaður hér á landi væri tekin fyrir á Íslandi.

Ramses, sem á eiginkonu og nýfætt barn sem stödd eru hér á landi, sagðist í Kastljósviðtalinu sannfærður um að hann yrði drepinn væri hann sendur aftur til Kenya. Hann sagðist vita að hann myndi lenda í höndunum á miskunarlausum stjórnvöldum og það yrðu endalokin. Hann gæti þá kvatt konu sína og litla drenginn þeirra. Hann myndi hverfa jafnskjótt og hann lenti á flugvellinum ef vitað væri að verið væri að senda hann til baka.

Ramses sagði meðal annars að þessa dagana væru að finnast yfir 500 lík í skógi í nágrenni Nairobi, sem flest væru af andstæðingum Mwai Kibakis, forseta landsins, sem nú réði herafla og öryggismálum landsins, en um þetta væri ekkert fjallað. Ramses er stuðningsmaður Raila Odingas, umdeilds mótframbjóðanda Kibakis í forsetakosningunum í landinu í byrjun þessa árs. Þeir Kibaki og Odinga fara nú saman fyrir samsteypustjórn sem mynduð var til að sætta stríðandi öfl í landinu, sem höfðu tekist á í blóðugum bardögum í kjölfar kosninganna.

Allsherjarnefnd Alþingis fjallar um mál Ramses á fundi sínum í dag.

Lögmaður Paul Ramses, Katrín Theodórsdóttir, sem ætlar að höfða mál gegn ríkinu vegna afgreiðslu málsins, sagði í þættinum að hún gæfi lítið fyrir svör setts forstjóra Útlendingastofnunar, Hauks Guðmundssonar í Kastljósi föstudaginn. Haukur sagði meðal annars að undanþágubeiðni Pauls hefði ekki verið tekin fyrir vegna ólöglegrar stöðu eiginkonu hans hér á landi. Katrín sagði það einfaldlega rangt. Eiginkonan hafi verið löglega hér á landi þegar beiðnin var lögð fram. Afgreiðsla málsins hafi hinsvegar tafist hjá útlendingastofnun.

Hún telur að vegna þess að Paul er giftur maður og á barn sem fæddist hér á landi, verði að meðhöndla mál fjölskyldunnar allrar. Eins sé rétt að skoða málið með tilliti til barns þeirra, Fidels Smára, sem fæddist á Íslandi fyrir rúmlega sex vikum. Samkvæmt barnalögum og barnasáttmála Sameinuðu þjóðanna eigi barnið meðal annars rétt á samvistum við báða foreldra.

Umfjöllunin í Kasljósi.

Læknavakt lokað á Suðurnesjum - Slasaðir og veikir þurfa til Reykjavíkur utan skrifstofutíma

 

 

Læknavakt Heilbrigðisstofnunar Suðurnesja verður lokað 16. júlí nk. vegna fjárhagsvandræða. Læknar verða ekki á vakt utan skrifstofutíma.

Haft er eftir Sigríði Snæbjörnsdóttur, forstjóra HSS á Vísir.is að sjúklingar sem þurfa þessa þjónustu eftir klukkan fjögur á daginn verði að leita til Reykjavíkur. Hún segir fjárveitingar HSS ekki vera í samræmi við fjárveitingar annarra heilbrigðisstofnana.

Læknir verður á neyðarvakt á HSS og mun sinna neyðartilvikum.  Ef neyðartilfellli ber að höndum á að hringja strax í 112, sem hefur samband við lækni á neyðarvakt.

Í fréttatilkynningu sem HSS sendi frá sér í dag og birt er á Víkurfréttum segir:

„Á fjárlögum árinu 2008 fékk Heilbrigðisstofnun Suðurnesja 1.609.800.000 kr. eða 78.734 kr. á íbúa m.v. 20.446 íbúa.  Þegar litið er á fjárveitingar til átta annarra sambærilegra stofnana m.v. íbúafjölda er þessi upphæð langlægst án frekari skýringa.  Sú heilbrigðisstofnun sem næst kom fékk 101.013 kr. á íbúa og sú sem mest fékk, var með  200.976 kr. á íbúa.  Vegna þessara erfiðleika í rekstri hefur á undanförnum mánuðum verið reynt að fá leiðréttingar á fjárveitingum  hjá heilbrigðisráðuneytinu án árangurs.

Sérstaklega eru fjárveitingar lágar á heilsugæslusviði.  Ef HSS fengi jafnháa fjárhæð og sú stofnun sem næstlægsta upphæð fær, ætti hún að fá 450.000.000 kr. í viðbót á árinu 2008.

Þessar upplýsingar voru formlega kynntar í heilbrigðisráðuneytinu í mars s.l. og síðan á fjölmörgum  fundum til að freista þess að fá leiðréttingar þannig að HSS sæti a.m.k. við sama borð og sú stofnun sem næst minnst er úthlutað.  Fullyrða má að HSS hefur verið  að veita jafngóða þjónustu og samanburðarstofnanirnar fyrir 50-75% af því fjármagni sem þeim er úthlutað.

Ekki hefur tekist að fá leiðréttingu á þessari skekkju í fjárveitingum sem skapast m. a. af mikilli og örri íbúaaukningu á Suðurnesjum á undanförnum árum.  HSS getur því ekki lengur haldið uppi lögbundinni og tilskilinni starfsemi og verður  að bregðast við með aðgerðum sem snúa að samdrætti í heilsugæslu.

Stjórnendur HSS hafa fundað að undanförnu til að komast að niðurstöðu um hvar sé hægt að draga úr þjónustu svo minnstur skaði verði.  Það þarf ekki að taka fram að að þessar umræður eru bæði erfiðar og sársaukafullar.

- Frá og með 10. júní var hraðmóttöku á heilsugæslu lokað en sú þjónusta naut mikilla vinsælda og létti mjög á annarri starfsemi heilsugæslu.

- Frá og með 16. júlí  mun heilsugæsluvakt leggjast af utan dagvinnu.  Sjúklingum verður vísað á læknavaktina í Reykjavík og á slysadeild LSH.  Læknir verður á neyðarvakt á HSS og mun sinna neyðartilvikum.  Ef neyðartilfellli ber að höndum á að hringja strax í 112, sem hefur samband við lækni á neyðarvakt.

Ljóst er að grípa verður til fleiri aðgerða á næstunni.  Vonast er til að ráðuneytið geti brugðist fljótlega við þessari erfiðu fjárhagsstöðu og fjárhagsgrunnur stofnunarinnar verði leiðréttur svo koma megi í veg fyrir erfiðleika af svipuðu tagi í framtíðinni.“

Forsætisráðherra og fjölmiðlarnir!Myndband!

 

Innherjarannsókn á íbúðabréfaviðskiptum Landsbanka vísað til FME

Þórður Friðjónsson, forstjóri Kauphallarinnar, staðfesti við fréttastofu Útvarps í kvöld að rannsókn á viðskiptum Landsbankans með íbúðabréf 19. júní s.l. hafi verið vísað til Fjármálaeftirlitsins.

Rannsóknin snýst um hvort Landsbankinn misnotaði trúnaðarupplýsingar um breytingar á Íbúðalánasjóði til kaupa á bréfunum þennan dag. Viðskipti Landsbankans með bréfin voru margfalt meiri en annarra banka.

Þórður segir að gögn sem skoðuð hafi verið vegna málsins, gefi til kynna að fjárfestar gætu hafa haft mismunandi upplýsingar á markaði þennan dag. Hann tekur hinsvegar fram að með því sé ekki verið að fullyrða að um brot hafi verið að ræða, og því sé málið sent til Fjármálaeftirlitsins til frekari rannsóknar.

Einar Benediktsson er dýpsta og dularfyllsta skáld Íslands.

Einar Benediktsson er dýpsta og dularfyllsta skáld Íslands.

Einar Benediktsson stendur einn eins og tindur upp úr fjallasal íslenskra skálda. Ekki er öllum fært að klífa þann tind.

Einar var og verður aldrei alþýðuskáld, eins og t.d. Davíð Stefánsson. Til þess eru ljóð hans ekki vel fallin. Þau eru sum langtfrá auðskilin, auk þess verður lesandinn að vera meiri alvörumaður en algengt er til að njóta þeirra. Til að kunna að meta Einar að verðleikum verða menn að vera svolitlir heimspekingar - og líka víðsýnir. Eru Íslendingar aðallega þekktir fyrir þetta tvennt? Ekki skal ég dæma um það.

Ýmsir hafa orðið til að skrifa ævisögu Einars. Staðreyndir um ævintýralegt líf skáldsins eru margar og vel þekktar, úr óteljandi heimildum er að moða fyrir fræðimenn. Misskilnings gætir þó hjá ýmsum varðandi þetta efni. Það er nefnilega alls ekki nauðsynlegt að vita mikið um persónu Einars til að njóta ljóða hans og kvæða.

Ég las einhvers staðar að fólk sem langaði til að hitta uppáhalds skáld sín í eigin persónu yrði ófrávíkjanlega fyrir vonbrigðum. Hvers vegna? Jú, það að vilja hitta rithöfund er svipað og að vilja hitta gæs vegna þess að manni þykir gæsalifur góð. Þá er betra að halda sig við verk höfundarins eins og þau koma fyrir, en vera ekki að velta mikið fyrir sér atvikum úr ævi skáldsins. Hvað hafði áhrif á skáldskapinn, hvaðan má hugsanlega rekja hitt og annað? Slíkt verður sjaldnast meira en getgátur, og tilgáta mín er sú að umfjöllun um persónusögu geti jafnvel skemmt fyrir. Skáldskapurinn er nægilega sterkur til að geta staðið einn.

Á síðari hluta ævinnar orti Einar af meiri alvöru en áður, og var hann þó alvarlegur fyrir. Þetta tímabil finnst mér áhugaverðast í skáldskap hans.

Það er ljóst að Einar bjó yfir meiri lífsreynslu en algengt var - og er. Skilningur hans á mannssálinni og samspili manns og náttúru var einstakur. Enginn hefur t.d. þættað saman þjóðsögu og náttúrulýsingu af meiri snilld. Þessu til staðfestingar vil ég minna á kvæðið Hvarf séra Odds frá Miklabæ.

Íslensk menning verður ekki aðskilin frá fólkinu í landinu. Þetta er svo auðskilið að óþarft ætti að vera að taka það fram. Þó fer það svo hjá sumum fræðimönnum að menningin verður einhvern veginn að sjálfstæðu fyrirbæri sem lifir eigin lífi. Framlög til menningarinnar eru þá gjarnan talin stafa mest frá þessu eða hinu, og þetta svo tengt við stefnur og strauma sem áttu sér stað erlendis. Ekki skortir fræðimenn á þessu sviði fremur en öðrum. Eru þar þó fleiri kallaðir en útvaldir.

Til að skilja íslenska menningu þarf fyrst og fremst að hafa eitt í huga. Þjóðin er upprunnin úr bændasamfélagi. Í því samfélagi var náttúran og landið númer eitt, tvö og þrjú. Hörð lífsbarátta einkenndi allt og alla. Þetta hafði auðvitað sín áhrif á skáldin.

Skáldskapur Einars Benediktssonar verður, að mínum dómi, aldrei felldur inn í neinn "-isma". Ekki verða ljóð hans heldur betur skilin með því að bera þau saman við verk annarra skálda. Einar var nefnilega nógu sterkur til að standa einn.

 

Heiðursdráp - Dönsk, tveggja barna móðir myrt í Pakistan

Komist hefur upp um heiðursdráp í Pakistan á 31 árs danskri tveggja barna móður. Mágur konunnar skaut hana til bana fyrir hálfum mánuði. Hann hefur viðurkennt morðið og situr í gæsluvarðhaldi í Pakistan ásamt tengdaföður konunnar og tveimur öðrum ættingjum. Berlingske Tidende skýrir frá þessu í dag.

Eiginmaður konunnar, sem var í Danmörku þegar morðið var framið, var færður til yfirheyrslu hjá dönsku lögreglunni í síðustu viku og haldið í þrjá daga. Honum var sleppt þar sem dönsk lögregluyfirvöld hafa engar upplýsingar fengið um málið frá pakistönsku lögreglunni.

Samkvæmt upplýsingum Berlingske Tidende voru ástæður heiðursmorðsins þær að konan hefði óhlýðnast mági sínum. Blaðið hefur eftir lögreglumanni í heimabæ mannanna að mágurinn hafi bannað henni að fara úr húsi en hún hafi gert það samt. Þess vegna hafi hann drepið hana. Hann er sagður hafa skotið hana tveimur skotum um klukkan þrjú, aðfararnótt 19. júní, að viðstöddum föður hennar sem hafði komið á heimilið kvöldið áður til að reyna að stilla til friðar í deilumálum fjölskyldunnar.

Eiginkonan myrta fæddist í Danmörku og er af pakistönskum ættum. Eiginmaðurinn er frá Punjab héraði í Pakistan. Hann fluttist til Danmerkur fyrir rúmum áratug og giftist konunni. Konan fluttist til Pakistan fyrir þremur árum með tveimur dætrum þeirra, sex og átta ára. Ekki er vitað hvers vegna hún flutti þangað.

Það var faðir konunnar sem tilkynnti um morðið. Hann sagði deilurnar meðal annars hafa sprottið af því að hún gat ekki átt fleiri börn og segir að eiginmaðurinn hafi verið með í ráðagerðum fjölskyldunnar um drápið.

Fjölskylda konunnar í Danmörku hefur tilkynnt morðið til borgaraþjónustu danska utanríkisráðuneytisins sem fylgist með málinu.

Berlingske Tidende fjallar í dag um fleiri heiðursdráp sem komist hafa upp á Norðurlöndum. Þekktasta málið er frá 2006 þegar hin 18 ára Ghazala Abbas var drepin á götu úti um hábjartan dag í Slagelse.

Myndin með fréttinni er af þeim atburði.

Ólöf Guðný hættir störfum

 

 

Ólöf Guðný Valdimarsdóttir, fráfarandi aðstoðarmaður borgarstjóra, segir í Fréttablaðinu í dag að þau borgarstjóri hafi ekki verið sammála um áherslur á viðfangsefni. Ólöf Guðný lætur af störfum sem aðstoðarmaður borgarstjóra nú um mánaðarmótin.

 

Ólafur F. Magnússon borgarstjóri segir ekkert liggja fyrir um hver taki við af henni en það komi í ljós á næstunni. “Stærsta verkefnið er að gera borgarbúum grein fyrir öllu því sem við höfum gert,” segir Ólafur.

 

“Við vorum ekki sammála um áherslur á viðfangsefni,” hefur blaðið eftir Ólöfu Guðnýju þegar það spyr hvort trúnaðarbrestur hafi orðið milli þeirra borgarstjóra. Hún segist að öðru leyti ekki vilja tjá sig um orsakir starfslokanna.

Borgarstjóri neitar ágreiningi við fráfarandi aðstoðarmann sinn. „Ólöf Guðný mun starfa áfram með meirihlutanum að skipulagsmálum eins og hún hefur gert frá upphafi,” segir Ólafur. “Hún nýtur fulls trausts og virðingar.”

Ólöf Guðný verður áfram í skipulagsráði borgarinnar fyrir hönd F-lista. “Ólafur fór þess á leit við mig að ég sæti áfram í skipulagsráði. Vegna mikils stuðnings sem ég hef fundið frá meirihluta og minnihluta og ekki síst eindreginna óska formanns ráðsins hef ég fallist á að sitja þar áfram um óákveðinn tíma,” segir Ólöf. Ólöf Guðný er arkítekt að mennt og gerir ráð fyrir að hverfa aftur til fyrri starfa á teiknistofu sem hún hefur rekið um árabil.

flott mynd af kristófer

 

Ásdís M Sigurðardóttir er 9 ára í dag!

Fallega dóttir mín er 9 ára í dag, níu ára prinsessa.Ég er svo stolt af henni, og er svo þakklát og rík fyrir að hafa að láni svona gullmola.Já ég trúi að börnin sem við fæðum af okkur hér á jörð séu aðeins að láni.Okkar hlutverk er svo að leiðbeina þeim, elska þau, og læra af þeim!Ásdís mín er engum lík, hún er hreinskilinn, opinn og líka stuttur í henni þráðurinn.En hún er fljót  að taka gleði sína aftur, eins og henni er von og vísa.

 

 

Elsku dóttir!Innilega til hamingju með afmælið!

 

 

Jónsmessa!

Jónsmessa er ein af þeim nóttum sem búa yfir miklu kyngimagni og mikið er til af þjóðtrú tengd henni. Þessa nótt að að gott að baða sig upp úr dögginni og átt þú ekki að kenna þér neins meins fram á næsta ár og kýrnar öðlast mál og selir fara úr hömum. Einnig er gott að leita töfragrasa og náttúrusteina þessa nótt.

Jónsmessa er 24.júní og Jónsmessunótt er aðfararnótt 24,júní, hún er ein af fjórum mögnuðustu nóttum ársins, en hinar eru jólanótt, nýársnótt og þréttándanótt. Þessar nætur eiga alls kyns verur og öfl að fara á stjá og skilin á milli heimanna verða óljós.



Jónsmessa er kennd við Jóhannes Skírara og leysir af hólmi forna sólhvarfahátíð í Róm og virðist einnig hafa koið í stað slíkra veislna á Norðurlöndunum. En sólstöður voru 21.júní og þessar hátíðir tengjast því að þá er lengstur sólargangur. Suður í Evrópu var Jónsmessan talin miðsumarnótt og var mikil alþýðuhátið með brennum, dansi og svokölluðum nornamessum.


Ekki hefur verið haldið jafnmikið upp á Jónsmessuna á Íslandi og í nágrannalöndum okkar og ekki er með fullu vitað ástæðuna fyrir því. Sumir álíta að skortur á eldiviði hafi orðið til þess að ekki tíðkuðust brennur hér eins og á norðurlöndum auk þess sem bjartviðri á þessum tíma ýti ekki undir ímyndunaraflið og gefi ekki sama svigrúm fyrir kynjaverur, tröll og álfa og skammdegið gerir. Einnig eru til sagnir að meinvættir sofi á Jónsmessu og því sé auðvelt að vinna bug á þeim þessa nótt
 
Á Jónsmessunótt á að vera unnt að finna náttúrusteina. Þar er um að ræða lausnarsteina til að hjálpa jóðsjúkum konum eða kúm, óskastein, varnarstein móti öllu illi, lífsteina sem græða hvert sár og hulinhjálmstein.
 

Einnig eru nokkrar jurtir sem gott er að tína á Jónsmessunóttin.
Hornblöðgu við kvefi, Maríustakk við graftarkýlum, korndún af víði á sár milli tánna, Brennisóley við húðkvillum, Mjaðjurt til að finna hver hafi stolið af manni. Fjögra laufa smári á að geta lokið upp hverri læsing sem hann er borinn að. Draumgras hjálpar mönnum til að dreyma það sem þeimr er forvitni á. Það verður að taka á Jónsmessunótt, vökva með helguðu messuvíni, leggja það síðan í nýdauðsmanns leiði og láta vera þar þrjár nætur, Síðan er það tekið úr moldinni og látið liggja i bíblíunni hjá 63. Davíðssálmi í aðrar þrjár nætur. Síðan á að geyma það í hveiti og hvítum dúk og leggja það undir hægra vanga, ef menn vilja dreyma það sem þá langar að vita.
En meira má lesa um þetta í Saga dagann eftir Árna Björnsson og í Þjóðsögum Jóns Árnasonar.