Heiðursdráp - Dönsk, tveggja barna móðir myrt í Pakistan

Komist hefur upp um heiðursdráp í Pakistan á 31 árs danskri tveggja barna móður. Mágur konunnar skaut hana til bana fyrir hálfum mánuði. Hann hefur viðurkennt morðið og situr í gæsluvarðhaldi í Pakistan ásamt tengdaföður konunnar og tveimur öðrum ættingjum. Berlingske Tidende skýrir frá þessu í dag.

Eiginmaður konunnar, sem var í Danmörku þegar morðið var framið, var færður til yfirheyrslu hjá dönsku lögreglunni í síðustu viku og haldið í þrjá daga. Honum var sleppt þar sem dönsk lögregluyfirvöld hafa engar upplýsingar fengið um málið frá pakistönsku lögreglunni.

Samkvæmt upplýsingum Berlingske Tidende voru ástæður heiðursmorðsins þær að konan hefði óhlýðnast mági sínum. Blaðið hefur eftir lögreglumanni í heimabæ mannanna að mágurinn hafi bannað henni að fara úr húsi en hún hafi gert það samt. Þess vegna hafi hann drepið hana. Hann er sagður hafa skotið hana tveimur skotum um klukkan þrjú, aðfararnótt 19. júní, að viðstöddum föður hennar sem hafði komið á heimilið kvöldið áður til að reyna að stilla til friðar í deilumálum fjölskyldunnar.

Eiginkonan myrta fæddist í Danmörku og er af pakistönskum ættum. Eiginmaðurinn er frá Punjab héraði í Pakistan. Hann fluttist til Danmerkur fyrir rúmum áratug og giftist konunni. Konan fluttist til Pakistan fyrir þremur árum með tveimur dætrum þeirra, sex og átta ára. Ekki er vitað hvers vegna hún flutti þangað.

Það var faðir konunnar sem tilkynnti um morðið. Hann sagði deilurnar meðal annars hafa sprottið af því að hún gat ekki átt fleiri börn og segir að eiginmaðurinn hafi verið með í ráðagerðum fjölskyldunnar um drápið.

Fjölskylda konunnar í Danmörku hefur tilkynnt morðið til borgaraþjónustu danska utanríkisráðuneytisins sem fylgist með málinu.

Berlingske Tidende fjallar í dag um fleiri heiðursdráp sem komist hafa upp á Norðurlöndum. Þekktasta málið er frá 2006 þegar hin 18 ára Ghazala Abbas var drepin á götu úti um hábjartan dag í Slagelse.

Myndin með fréttinni er af þeim atburði.

Athugasemdir

[JEG, 2.7.2008 kl. 11:41]

Þessi heimur versnandi fer.

Innlitskvitt og knús mín kæra.

[Adda bloggar, 2.7.2008 kl. 13:03]

já það rétt

[Skúli Skúlason (IP-tala skráð) 2.7.2008 kl. 15:31]

Trúarpólitísk tengsl heiðursmorðA  við Íslam ótvíræð.

Heiðursmorð í Íslam

Stórt atriði er að þegar kona giftist manni af öðrum trúarhópi eða grein Íslams, þá gerist hún fyrrverandi-Múslími og þar með réttdræp.  Einnig er stúlkan í stór hættu ef væntanlegur maki er ekki þóknanlegur fjölskyldunni einhverra ástæðna vegna.  Sama skeður ef hún vill temja sér vestræna lífshætti, þá er hún einnig orðin  fyrrverandi-Múslími (apostate,  fráhvarfsmaður frá trúnni)

 

 

Úr 4. Kafla  88-89  "Viltu reyna að leiðbeina þeim sem Allah hefur afvegaleitt? Þá sem Allah hefur afvegaleitt skaltu ekki reyna að leiðbeina. Þeir þrá að þú verðir trúleysingi svo þú verðir eins og þeir sjálfir; þess vegna skaltu ekki gera þá að vinum þínum nema þeir flýi frá sínum fjölskyldum til að þóknast Allah, en ef þeir snúa aftur heim til sín skaltu elta þá uppi og drepa þá hvar sem þú finnur þá, en leitaðu ekki aðstoðar eða vinskapar meðal þeirra." 

 

Ég vil benda á eftirfarandi greinar um HEIÐURSMORР og slóðirnar að þeim:

HEIÐURSMORÐ OG STAÐA KVENNA Í ÍSLAM

http://hermdarverk.blogcentral.is/blog/2008/4/21/heidursmord-og-stada-kvenna-i-islam/

HEIÐURSMORÐ, 9. GRÖFIN Í FJÖLSKYLDUNNI.

http://hermdarverk.blogcentral.is/blog/2008/4/22/heidursmord-9-grofin-i-fjolskyldunni/

Athyglisverð stuttmynd um heiðursmorð.

Everywoman- Honour Killings- 07 Dec 07- Part 2

http://www.youtube.com/watch?v=PZ0XHZhlpBc

 

 

[Rósa Aðalsteinsdóttir, 2.7.2008 kl. 18:23]

Sæl Adda mín.

Mannvonskan er því miður mikil og ekki batnar það þegar öfgatrú leggst ofaná.

Megi almáttugur Guð miskunna okkur og gefa okkur visku að hugsa aðeins um allt þetta fólk sem er að flytja hingað. Ef ekki verður breyting á þá er ég viss um að við eigum eftir að upplifa ýmislegt eins og nágrannaþjóðir okkar þurfa í dag sem er ekki öfundsvert.

Guð veri með þér og þínum.

Kær kveðja/Rósa

[Linda, 2.7.2008 kl. 18:32]

Sæl Adda mín, þakka þér innilega fyrir að taka á þessu.  Kvenréttinda baráttan á langt í land í þessum löndum sama hver raular og tautar (yfirleitt yfirstéttar fólk) hinar fátæku konur hafa ekkert val.  Guð forði okkur frá því að heyra um að Íslensk kona fari þessa leið.

Knús.