Frækilegur 33-29 sigur á heimsmeisturum Þjóðverja á ÓL í Peking

Íslenska landsliðið í handbolta vann frækilegan sigur 33-29 á heimsmeisturum Þjóðverja riðlakeppninni á Ólympíuleikanna í Peking í dag. Íslendingar unnu Rússa 33-31 á sunnudag. Liðið í heild átti stórkostlegan leik og trónir nú í efsta sæti B-riðils með 4 stig.

Ísland var yfir í hálfleik 17-14.

Snorri Steinn Guðjónsson skoraði 8 mörk, Guðjón Valur Sigurðsson 7, Alexander Pettersson 5 , Ólafur Stefánsson og Arnór Atlason 4 mörk hvor, Logi Geirsson 3 mörk og Róbert Gunnarsson 2.

Sjá einnig á Vísir.is og mbl.is

Staðan í B-riðli Ísland 4 stig, Þýskaland, Rússland og Suður Kórea hafa 2 stig, Danir og Egyptar 1 stig hvor þjóð. Danir töpuðu í dag með eins marks mun fyrir S-Kóreu og gerðu jafntefli við Egypta.

Næstu leikir íslenska liðsins eru við S-Kóreumenn á fimmtudag, Evrópumeistarana Dani á laugardag og Egypta mánudaginn 18. ágúst.

Í A-riðli eru Pólverjar, Spánverjar, Frakkar, Króatar, Kínverjar og Brasilíumenn.

Athugasemdir

[JEG, 12.8.2008 kl. 17:31]

Já sko ....annars fygist ég nú ekki með íþróttum þó það sé OL eða HM nú þá eða EM.  Er svo svakalega óíþróttalega sinnuð hihihi......

Kveðja úr sveitinni.

[Rósa Aðalsteinsdóttir, 12.8.2008 kl. 17:39]

Sæl Adda mín.

Svakalega var gaman af þessu. Fyrst að vísu var ég á nálum en svo fóru strákarnir í almennilegan gír og völtuðu yfir sjálfa Þjóðverjana. Ertu búin að kíkja á síðuna mína. Frábær pistill þar eftir Ásdísi Sigurðardóttir bloggvinkonu mína um hjálparstarf Hjálpræðishersins.

Áfram Ísland.

Vertu Guði falin.

Kær kveðja/Rósa